今日係一年一度既大日子 !!! 過左28個年頭,本來唸住今日會好開心既....點之可能人大左啦,又覺得生日冇咩特別,只係同屋企人同老公食餐飯慶祝下咁lo, 唔會話特別唔同特別開心.....
今年生日,同往年一樣都要返工, 返到公司d 同事跟本冇人會記得我生日,只係得jojo 同 victor 記得......!!! 眼見家姐公司既同事咁好,個個都記得,又同佢食飯又送野, 不禁覺得自己公司d 人真係........衰!!! 不過唔緊要啦, 返工都係為左生活,唔係識朋友既~~~
收左工,約左老公起青衣城等,因為哩排冇咩胃口食野,個人唔太舒服咁,所以冇咩特別野想食! 最後我地去左聯邦酒樓(擺酒時間野)度食 ^^ 返到屋企,老公買左個蛋糕比我, 我唸我今日全日最開心既時候就係放左工後同老公一起...............
今年收到一份好好既禮物,多謝老公 !! 多謝屋企人 !! 仲有多謝朋友們 !!
[2]
[1]
